ကျွန်တော်နှင့် ဓါတ်ပုံနေရာ ပြဿနာ

အမှန်အားဖြင့် ... ကျွန်တော်သည် ဓါတ်ပုံ ရိုက်လေ့ ရိုက်ထ မရှိခဲ့ပါ။ လူမှန်း မသိတတ်စ အချိန်မှ ယခုထိ ပုံပေါင်း 40 ကျော်ထက်ပိုပြီး မရှိခဲ့။ ဘွဲ့ ယူတော့ ကျောင်းက ဓါတ်ပုံ မရိုက် မနေရ ရိုက်ပေးပါသည်။ မရိုက်တော့ ပါဟု ချွေတာခွင့် မရှိ။ ငွေ သွင်း ရသည်။ အိမ်အပြန်တွင် သူငယ်ချင်း တစ်ယောက်က ဓါတ်ပုံတိုက်တစ်ခုတွင် ထပ်ရိုက်ဖို့ ရာ အဖော်ညှိသဖြင့် ... ကိုယ့်ရုပ် ကိုလည်း ပြန်ကြည့်လျင် အတော်လေး ခန့် ပေလိမ့်ဟု ထင်မိသဖြင့် သွားမိခဲ့။ ဓါတ်ပုံ နှစ်ပုံ ရ ခဲ့။ ထိုနှစ်ပုံထဲမှ တစ်ပုံကို အသိ တစ်ယောက်မှ အဖိုးအခ မယူပါဘဲ ပုံကြီးချဲ့  ပေးသည်။ ကျွန်တော်လည်း ထိုထို အလကား ရသော ပုံကို ဘယ်နေရာတွင် ထားရမည် မသိရင်း....ကျွန်တော့်အခန်း ချောင်ကျသောနေရာ တစ်ခုကို သဘော ကျခဲ့သည်။ ထိုနေရာလေး ကား ဧည့်သည် များလာလျင် ခင်းပေး သော ဖျာများကို လိပ်ပြီး ထားသောနေရာ။ အတော်ပေတည်း။ အတော်လေး လည်း ချောင်ကျလှသည်။ တော်ရုံ အချိန်များတွင် ဖျားများက ကွယ်ထားသည်။ ဧည့်သည်များ လာလျင်တော့ ဖျာထုပ်ခင်းလျင် စပ်စုသော သူတွေ မြင်ပေလိမ့်။ ထိုမှသာ ကျွန်တော့်ကို မသိသူများက ဘွဲ့ ရပညာတတ် တစ်ယောက် အဖြစ် အထင်ကြီးကြ ပေမည်။ ကျွန်တော်သည် ရုပ်အင်မတန် နုလွန်း နေသဖြင့်လော.... အဆိုးအပေ နှစ်ရှည်သမား ဟု တထစ်ချ မှတ်ပြီး သော်လည်ကောင်း ကျွန်တော့်ကို ကျောင်း မပြီးသေးသဖြင့် ရန်ကုန်တွင် နေနေသည်ဟု အချို့က ထင်ကြသည်။ ကျွန်တော့် အတွတ် ထိုပုံလေးသည် အသုံးဝင်လှသည်။ ပြစရာ တစ်ခုတော့ ရှိထားတာပေါ့လေနော်။

ကျွန်တော့်ဆီကို အချို့ သူငယ်ချင်းများနှင့် ခင်မင်သူအချို့ အလည်လာကြသည်။ သူတို့ မေးနေကျ စကား တစ်ခွန်း ကား ဘာလုပ်နေသနည်းတဲ့။ ကျွန်တော့်မှာ အသံထွက်ပြီး ပြုံးပြရလောက်အောင် တုံ့ ပြန်မှု့ ပြုရသည်။ အတိတ်မေ့ သယောင် ယောင် ၊ ရွှေပျောက် သယောင်ယောင် ဆိုသော စကားကို အခုမှ နားလည်း မိတော့သည်။ သူတို့ အများစု မျက်စောင်း ထိုးသည် က အခန်ထဲမှ တစ်နေရာတွင် ချိတ်ထားသော ဘွဲ့ ပုံ ဆီသို့ ။ ထိုပုံကို မြင်သူတွေကတော့ ကျွန်တော့်ကို ဘွဲ့ ရ တစ်ယောက်မှန်း သိကြသည်။ သို့ သော် ထိုဝတ်စုံကို တော့ မသိသူက များပါသည်။ အချို့ စပ်စုသည်။ ဘာနဲ့ ကျောင်းပြီးတာလဲတဲ့။ ကျွန်တော် မချိပြုံး ပြုံးရင်း... လက်ဆယ်ချောင်း ထောင် ပြီး လှုပ်ပြသည်။ ပြီးတော့မှ ပါးစပ်နှင့်ပြောသည်။ ကွန်ပျူတာနဲ့ ပါလို့ ။ အချုိ့ က နိုင်ငံခြား ထွက်ဖို့  ပြောသည်။ ကျွန်တော်လည်း အမိနိုင်ငံတော်ကြီးကို ချစ်သည်လို့ ပြော သည်။ အချို့ကလည်း စပ်စုသည်။ သူတို့  ဘာတွေပြောသည်ကို ကျွန်တော် မသိပါ။ သူတို့ သိထားသော နည်းပညာကိစ္စတွေကို မေးကြသည်။ ကျွန်တော် ရူးချင် ယောင်ဆောင် နေသည်။ ဟုတ်သည်ဘဲ။ ကျောင်းပြီးတာ 2003 ကဆိုတော့ ခြောက်နှစ်လောက် ကွန်ပျူတာ ဆိုသောအရာနှင့် ဝေးခဲ့ပြီးပြီ။ ကျွန်တော် ဘယ်ပြောနိုင်တော့မလဲနော်။ သူတို့  ပြောသည်များကိုလည်း နားမလည် တော့ပါ။(အယင်ကလည်း မသိခဲ့ပါ)။ မချိပြုံး ဆိုတာကို အသက်ဝင်ဝင် မြင်ချင်လျင် ရှေ့တွင် မှန် ထောင်ထားပြီး ကြည့်လျင် ကောင်းပေလိမ့်။ ထိုပုံသည် ကျွန်တော့်ကို ဒုက္ခပေးချေပြီ။ ကျွန်တော် စိတ်မရှည်သည့် အဆုံး...ဘာလုပ် ရမည်နည်း။ ကိုယ့်ကို အပေအတေ တစ်ယောက် အနေနှင့် အမြင်ခံရ သည်ကိုတော့ မခံနိုင်။ ထိုပုံကို မြင်မှသာ ဘွဲ့ ရ တစ်ယောက်အဖြစ် လေးလေးစားစား ဆက်ဆံခံရသည်ဟု အထင် ရောက်မိသဖြင့် ထိုပုံကိုတော့ မဖြုတ်ပစ်လို။ ဘာလုပ်ရမည် နည်။

တစ်နေ့ က မူးမူးနှင့် အိပ်နေတုန်း အိပ်မက်ဆိုး မက်သည်။ အိပ်မပျော် တော့။ ငုတ်တုတ် ထိုင်နေရင်း... လက် ကလိမိသည်။ ကျွန်တော့်၏ တစ်ခုတည်းသော အနှောက်အယှက်...ဘွဲ့ ပုံသည် နှုတ်ခမ်းမွှေး... မုတ်ဆိတ် မွှေးတို့ နှင့် ခန့် ညား သွားသည်။ marker ဖြင့် ပုံပေါ်တွင် ကလိမိခြင်းဖြစ်သည်။ ခန့် ခန့် ကြီး ဆိုလျင်...လူတွေ အထင်ကြီး ပြီး စာတွေ မေးနေလျင် ဒုက္ခဟု နောက် ရက်တွေကြာလာမှ သတိထားမိခဲ့ သဖြင့် ထိုခန့် ညားလှသော ကျွန်တော့် ပုံပေါ်တွင် ထပ်မံ မွန်းမံမှု့ ပြုရသည်။ ပါးကွက်နှင့် နှာတံနှင့် နဖူးဝိုင်းနှင့်...ပြုံးစပ်စပ်မျက်နှာနှင့် ဖြစ်သွားပေပြီ။ ထိုပုံသည်တော့ မဆိုးလှ။ ကျွန်တော့်ဆီ အလည်လာ သော အမျိုးကောင်းသမီးများက ပြုံးတုံ့ တုံ့  ၀င်းဦးနှင့် ခပ်ဆင်ဆင် ဖြစ်နေပါတော့သည်ဟု သတ်မှတ် ကြလေသည်။ ရံဖန်ရံခါ ထိုပုံလေးသည် ပလာစတာ အဖြူနှင့် နှုတ်ပိတ်ခြင်းခံရသည်။

ကျွန်တော်သည် အချို့ကို စကားကောင်း မပြောဖြစ်တော့ပါ။ သူတို့ က ဘဲ ရစ်သလော ..ကျွန်တော်ကဘဲ ဘုကျ သလော...။ ကျောင်းတွေတတ် ၊ ဘွဲ့ တွေရ... ပြီးတော့ ဇော်ဂျီ ဒုတ်ထောက် လမ်းလျောက်ကြ..။ ဘွဲ့ ရသည်။ မရသည်က ဘာဆိုင်သနည်း။ ကျွန်တော် ပြောမိသည်။ ရတဲ့ ဘွဲ့ နှင့် လုပ်ကိုင် စားပါလား ဆိုတော့လည်း ... တတ်တာလေးက မတောက် တခေါက်...။ အဲ့လိုဆို အပြင်က အလုပ် လုပ်ပါ့လား ဆိုပြန်တော့လည်း ... ဘွဲ့ ရကြီးမို့  ဈေးမရောင်းချင်ပါတဲ့။ ကို့ လို့ ကန့် 

လန့် ။ ဘယ်သို့  စခန်း သွားမည်နည်း။ အမှန်ပြောရလျင် ကျွန်တော်သည်တော့ နဂိုတည်းကတိုင် ရသောဘွဲ့ နှင့် သက်ဆိုင် သော အလုပ်ကို လုပ်မည်ဟု စဉ်းစား ထားခြင်း မရှိသဖြင့်  ကျွန်တော်နှင့် တော့ မသက်ဆိုင်ပါ။ မည်သို့ ပင်ဖြစ်စေ ကျွန်တော် သည် အခုအချိန်တွင် အချို့လူရစ်များအား မေးလာလျင် ဆယ်တန်း အောင်ပြီး အချစ်သင်တန်း တတ်နေကြောင်း နှင့်သာ အဆုံးသတ်ရန် ဆုံးဖြတ်ချက် ချလိုက်သည်။ ကျွန်တော့် ဘွဲ့ ပုံလည်း မလိုတော့ပြီ။ ကျွန်တော် ဖြုတ်လိုက်သည်။ နှစ်ဖက်ကပ်တိတ်နှင့် သာ ကပ်ထားပါသဖြင့် သိပ်မခက်လှ။ နောက်တော့ကော... ထိုပုံကို ဘယ်နေရာ ထားမည်နည်း။ အဲ့မှာလည်း ဒုက္ခ။ လွှင့်ပစ် မည်လော။ မလုပ်ရက်သေးပါ။ သေတ္တာထဲ သိမ်းမည်လော။ မဖြစ်သေးပါ။ မတော်လျင် မှိုတတ် သွားနိုင်သည်။ နဂိုနေရာလေး တွင် ပြန်ထားမည်လော။ မဖြစ်သေး။ ပြန်ဖြေရသော ဒုက္ခ ကြီးလှ၏။ ဘယ်နေရာ ထားရမည် နည်း။ ကျွန်တော့်ကို နားလည်သော လူများကိုလည်း မြင်စေချင်သေးသည်။ နောက်ဆုံး တွင် ကျွန်တော် နေရာတစ်ခု ရလိုက်သည်။ စာကြည့်စားပွဲပေါ်တွင် မှောက်လျက် ဖိထား လိုက်သည်။ ကဲ..ဘယ်သို့ တတ်နိုင် အုံးမည်နည်း။ တစ်ကိုယ်တည်း ကြုံးဝါးမိသည်။ ကျွန်တော့်ကဲ့သို့ ဒုက္ခများမှ ကင်းဝေးကြပါစေ။

နို့ တဲ့ သတိချပ်စရာ တစ်ခုကား... ကျွန်တော်တို့ ပြည်တွင် ကွန်ပျူတာနှင့် ပြီးသည်ဟု ပြောမိသည်နှင့် အားလုံးနှင့် သက်ဆိုင်သည်ဟု ထင်မှတ်ပြီး သူတို့  ကြားဖူး နားဝ အားလုံးကို မေးတတ်ကြလေသည်။ ကိုယ့်အနေ နှင့် မဖြေနိုင်လျင်ကား ကိုယ့်ကို ခိုးချ ဘွဲ့ ရသူတစ်ယောက်အဖြစ် အထင်သေးတတ်သည်။ ပြီးတော့လည်း မမြင် ကွယ်ရာ တွင် ကျောင်းပြီးတယ်သာဆိုတယ် ဘာမျှလည်း မတတ်ပါဘူးကွာ..လို့ ဆိုတတ် ကြသေး သည်။ ထိုနေရာတွင် ကွန်ပျူတာဂျာနယ်နှင့် အင်တာနက်ဂျာနယ် များ၏ လက်ချက်များ လည်း မကင်းလှပါ။ ထိုထိုများကို ဖတ်ပြီး အကြောင်းစုံ မေးလာတတ်ပါသဖြင့် ကိုယ့်အနေ နှင့်...မည်သို့ ရှောင်ရမည်ကို ကြိုတင်စဉ်းစားထားရ ပေမည်။ တစ်ခါက ကြုံဖူးပါသည်။ လူတစ်ယောက်က ထိုသို့ မေးမြန်းလာပြီး ... မျက်လုံးအစုံဖြင့် အထင်သေးစွာ ကြည့်ခြင်း၊ သရော်ပြုံးပြုံးခြင်းကို ခံခဲ့ရဖူးပါသည်။ ကျွန်တော် ကလည်း ဘယ်ခံပါ့မလဲ။ ကျွန်တော့်ဆီ မှာ ရှိတဲ့ အထူဆုံး စာအုပ် တစ်အုပ်ကို လိုက်ရှာတာပေါ့။ စာအုပ်ကိုယူပြီး ...ဒါက ခင်ဗျား သိထားတဲ့..ခင်ဗျား လုပ်နေတဲ့ ကွန်ပျူတာ ဆိုတဲ့အထဲက အပိုင် နည်းငယ်အကြောင်းကို ရေးထားတာ ပါပေါ့..ကျွန်တော် မသိတဲ့ဟာတွေကို လျောက်ပြောပြီး ဒီစာအုပ်ကို ဖတ်ကြည့်ပါ။ ဖတ်ပြီးမှ ဆက်ဆွေးနွေး တာပေါ့။ ဖတ်လို့  အဆင်မပြေရင် ခေါင်းအုံးအိပ်။ ခို့ လို့ ခုလု ဖြစ်ရင် ဆက်မအိပ်နဲ့ တော့။ ပြန်ပေးပါလို့ ။ ပြန်တွယ်လိုက်သည်။ သူသည် နယ်တွင် ကိုယ်ဖာသာကိုယ် ဖတ်လို့  ရသော ဂျာနယ်များအားကိုးနှင့် ကွန်ပျူတာ ပြင်သည်လို့ အိမ်ရှေ့တွင် ဆိုင်းဘုတ် ချိတ်ထားသူ တစ်ယောက် ဖြစ်ပါသည်။ သူ့ အနေနှင့် ကွန်ပျူတာနှင့် ပတ်သတ်ပြီး အားလုံးလောက်နီးနီးကို ပိုင်ပိုင်နိုင်နိုင် သိမြင်သူ တစ်ယောက်အဖြစ်လည်း သတ်မှတ်လေဟန်ရှိလေ၏။