ကျွန်တော်သတိထားမိသော ကဗျာ အချုိ့

မှန်ကန်ထဲကငါးတွေ
----------------
ငါးတွေရဲ့ စကားသံကို ခင်ဗျား ကြားသလား။
မှန်ကန်ရဲ့တစ်ဖက်ကနေ
စကားလုံးတွေနဲ့ ပြစ်ပေါက်နေကြတယ်။
အရေးတကြီး
သူတို့ တစ်တွေရဲ့ခံစာရချက်တွေကို
သူတို့ တွေရဲ့မွန်းကြပ် ပိတ်လှောင်မှု့တွေကို
``ငါတို့ဟာ သက်ရှိ ဖြစ်တယ် ငါတို့မှာ လွတ်လပ်ခွင့်ရှိတယ်။
ငါတို့ဘ၀ကို ငါတို့စိတ်ကြိုက် ကူးခတ်ခွင့်ရှိတယ်´´
နာကြည်းမှု့ ပလုံစီတွေ တလှိမ့်လှိမ့်
အောက်စီဂျင် မ၀ရေစာနဲ့
ကန့်သတ်ချုပ်ချယ်မှု့နယ်ပယ်
သူတို့ခင်ဗျားကို တတွတ်တွတ် တောင်းဆိုနေကြတယ်
ခင်ဗျားကတော့ ကိုယ်အယူအဆနဲ့ကိုယ်
ကိုယ်အတ္တကို ချော့မြူဖို့
ခင်ဗျားတစ်ကိုယ်စာကျေနပ်ဖို့
အပွင့်အတွတ်နဲ့ အပင်ကို နှုတ်ခဲ့တယ်
ငါးတွေရဲ့ စကားသံကို ခင်ဗျားကြားသလား
မှန်ကန်ထဲမှာ မမှန်မကန် ထည့်ထားခံထားရတဲ့ ငါးတွေပေါ့
အမှန်တရားဟာ အင်အားကို အရှုံးပေးလိုက်ရတယ်။
သူရိန်ငယ်
24-12-05



သူ့ သဘောထား
---------------
အတော် ကိုအကျိုးပြုခဲ့ပါတယ်....
လောကကြီးနဲ့ စင်္ကြာဝဋ္ဌာကြီးရယ်
ရောက်ရှိကြောင်း လက်မှတ်ထိုးထားတယ်တဲ့....။
တစ်နပ်တစ်နပ်စားတဲ့ ပေါ်ဆန်းမွှေးဆန်ကိုစားရင်း
ရသတဏှာ အပေါ်အခါခါ ဆန်းစစ် ရင်း
လူ့ ဘ၀ စားစရာတော့ရှိမှလို့ တွေးမိတယ်တဲ့။
အနောက်တိုင်းက အကောင်းစားဆိုတာတွေကို ၀တ်ထားတဲ့
သူ့ ခနာမှာ ပြည်တွင်းဖြစ်ကိုအားပေးတဲ့ဟာတစ်ခုမှမရှိတဲ့အတွတ်
မျက်ရည်ကျ မိသတဲ့။
သူ့ တစ်ကိုယ်လုံးမှာ ၀တ်ထားတဲ့ ဟာတွေကို
လူတွေတန်ဖိုးထားနေတာ ဘာလို့ တုန်းလို့ 
ရံဖန်ရံခါ ဖာသာအထင်ကြီးမိတယ်တဲ့။
မာစီးဒီ စီးရင်း.... ခြေလျှင် နဲ့ Bus သမားတွေကပိုပြီး
ကျန်းမာ မှာဘဲလို့ တွေးပြီး ၀မ်းနည်းသတဲ့။
မတတ်သာလို့ လေလည်မိတဲ့အခါတွေမှာ..
ငတ်နေတဲ့ခွေးတွေ..အာသာပြေစေဖို့ တဲ့။
ကမာကြီးမြေသြဇာအလို့ ငှာ အိမ်သာထိုင်ပေးရတဲ့အခါများမှာလည်း
သူအတွေးက နိဗာန်နပစယော ဟောတု...တဲ့။
ကိုင်ထားတဲ့ အလုပ်တစ်ခုကလည်း
မသက်မသာ အလကားမနေတတ်လွန်းလို့ ပါတဲ့။
သူ့ အကြောင်း အကောင်မပြောတဲ့လူတွေကိုလည်း
လူ့ ဘ၀ မနေတတ် အနေ ခတ်တတ်တယ်တဲ့။
သူ့ ရဲ့ကြီးမြတ်မှု့တွေအတွတ်လောကကြီးကိုတိုင်တည်ပါသတဲ့။



ခပ်လှမ်းလှမ်းက ပန်း
--------------------
ရွေးမြဲရွေးမိခဲ့တဲ့ငါ အလွန်းနေတာလား။
လည်လွန်းနေတာလား။
တစ်ခုလိုချင်ရင်တစ်ခုပေးရတယ်တဲ့။
လိုချင်ခဲ့တာတွေကို ရက်စွဲတွေက လုံးခြေပြီးလွှင့်ပစ်တယ်။
ပေးဖို့လက်တွေက စွံ့ အကျန်ခဲ့လေရဲ့။
အပြင်းအထန်ဆိုတာကို
အသက်အရွယ်က ကြေညက်အောင်စားသောက်ပြစ်ပြီ။
ပေးသောလက်နဲ့ ယူသောလက်ကို
စွပ်ပြုပ်လုပ်သောက်ပါတဲ့။
ဘောလုံးနဲ့ကစားသမား ဘယ်သူက အမှန်တကယ် ကစားနေတာလဲ။
ကိုယ်ကချည် ကစားလို့မရနိုင်တာသိပါတယ်။
ဒါပေတဲ့အမြဲတမ်း သူများကစားတာကိုတော့မခံနိုင်ဘူး။
စုထားမိတဲ့ချောကလက်တွေ ခွေးကျွေးပြစ်မယ်သိလား။
အို....လောကကြီးရယ်
ငါဖို့မနက်ဖြန်တိုင်းမှာ
သေဆုံးခြင်းကို မှတ်မှတ်ရရ ထည့်ပေးပါ။
ခံစားချက်ဆိုတာကို ကိုယ်တိုင်ချက်ပြုတ်ရတာ မသက်သာလှပါဘူးဗျာ။
အချဉ်ထုပ်နဲ့လဲစားခွင့်ပြုပါ။
ဘယ်လိုဘဲဖြစ်ဖြစ်ပါ
ခံယူချက်သံစဉ်တွေကိုတော့ သေဆုံးခွင့်မပေးနိုင်ဘူး။
အတုမဲ့ ဓါးတစ်လက်ရယ်၊ ကခုန်နေတဲ့ ဗုံတစ်လုံးရယ်ဆို
ငါ့ဖို့ထပ်တောင်းဆိုစရာမရှိတော့ပါဘူး။




ငှက်ပျော
-----------
သူ့ အလိုလိုပေါက်တဲ့အပင်
သူ့ အကြောင်းတော့ကြားဖူးပါရဲ့ ။
ချိုအီမွှေးတဲ့သူ့ အသီး
ငါမမြည်းဖူးတာ ငါအသိပါ။

သူ့ အသားကိုထစ်ထစ်ခုတ်
ဟင်းခါးလုပ်သောက်တော့
မုန့် ဖတ်နဲ့ ရောမှ
တာသွား အစာခံတာငါအသိပါ။

သူ့ အရွက်ကို
ကောက်ညှင်းထည့်ပြီးထုတ်
ခပ်ပေါပေါရောင်ခဲ့တဲ့ လမ်းဘေးဈေး
အရှုံအမြတ်မတွတ်ခဲ့တာ ငါအသိပါ။

အသီးမသီတဲ့ငါ့အပင်
စိတ်တိုတိုနဲ့  တစ်ခါခုတ်
အမြစ်မပြုတ်တဲ့ပြင်
ထပ်ပွားနှစ်ပင်မြေမရှိတော့တာ ငါအသိပါ။

သူ့ ကိုမြေလှန်
လက်ကျန်မြေကိုရောင်းဖို့ အရေး
ငါ့ဆံပင်ပယ်ချ၊သင်္ကန်းတစ်စနဲ့ 
ဗုဒ္ဓအတွေးခပ်ရေးရေးသိဖို့ လိုတာငါအသိပါ။




ဖွင့်ဟချက်များ
--------------
ချစ်ခြင်းတရားတဲ့....
ပြန်တွေးကြည့်မိတော့ ခေါက်ရိုးမရှိခဲ့ရပါဘူး။
ရှိထားလိုက် ပျောက်သွားလိုက်။
သိမ်းထားလိုက် ခိုးသွားလိုက်။
ကြယ်တွေက ပေါ်တစ်ခါပျောက်တစ်လှည့်။
နေနဲ့ လကို သရုပ်ခွဲရင်း ငါက ကျားနာတစ်ကောင် ဖြစ်ခဲ့တယ်။
ငါ မကုတ်ဖဲ့ ခဲ့ရပါဘဲ မင့်မှာ က ပဲ့တစ်ခါ ပြည့်တစ်လှည့်။
ဘယ်လို ဘဲဖြစ်ဖြစ် မင့်ကိုအပြစ်မတင်ပါဘူး။
အရင် ဒါဏ်ရာတွေ ကျက်တဲ့တစ်နေ့  ပြန်ပြည့်လာမှာပါ။
လပြည့် ညတွေဆို ငါရင်ခုန်တယ်။
မင့်မရှိတဲ့ညတွေ မှာ ကြယ်တွေနဲ့ ကစားခဲ့တာ ငါဝန်ခံပါတယ်။
မင့်ကတော့ ဘယ်လိုပြေးပြေး မလွတ်နိုင်တဲ့ ညတစ်ခုရဲ့ လရိပ်ပါ။
ချစ်သူရယ်....ငါလေ ပြေးရင်း ဆွဲအားမဲ့တစ်နေရာမှာ လွတ်နေတယ်။
မင့်မလိုက်နိုင်ဖို့  ငါ နေပူပူမှာဘဲ အိပ်တော့မယ်။
မိုးရာသီမှာ မိုးပေါက်တွေနဲ့ ကစားမယ်။
ဆောင်တွင်းမှာ နှင်းပေါက်တွေကို ရေနွေးကြိုသောက်မှာပေါ့။
နွေရာသီဆိုရင်တော့ ယပ်တောင်တစ်ချောင်နဲ့ နေမယ်။
နေပူရင် ယပ်ခပ်နေပြီး စိတ်ညစ်လာရင် ခေါင်းနောက် ထိုးထားမယ်။
ချစ်သူရယ် မင့်က ငါ့ကို ထားရာနေ စေရာသွား ဖို့ ခွေးတစ်ကောင်လုပ်ခဲ့တယ်။
အခု ငါ လက်တည့်စမ်းချင်တဲ့ မျောက်တစ်ကောင်ဖြစ်သွားပြီ။



တစ်စစီ ခံစားချက်များ
--------------------
တစ်ခါတုန်းက ကြားချင်ခဲ့တဲ့ သတင်းတွေ
မြင်ချင်ခဲ့တဲ့ မြင်ကွင်းတွေ
ဖြစ်စေချင်ခဲ့တဲ့ အတွေးတွေ
ငါ...............အခုတော့
ကြာတတ်တဲ့ နားတွေကို ပိတ်ထားချင်တယ်။
ကြားခြင်း ဆိုတာကို ကြောက်နေလေရဲ့။
မြင်နေရတာကို ငြီးငွေ့ နေပြီ။
ရင်ခုန်ရတဲ့ ကိစ္စတွေ ဆိုတာကို
အခါခါ ဆန်းစစ်ဖို့ ဘဲ အားသန်တော့တယ်။
အတွေးဆိုတာတွေကို မီးမြိုက်
ခပ်မဆိတ် နေရတာကိုဘဲ သဘောကျလာ ခဲ့ပြီ။
လူတွေ နှင့် ငြီးငွေ့ ခြင်း ဆိုတာကို လူတွေပြောပြောနေတဲ့
လောကဆိုတာကြီးက အသက်နဲ့ အမျှ တွဲပြနေတယ်။
မိုးအုံ့ နေတဲ့ အညိုရောင်ထဲမှာ ငါ့လွတ်လပ်မှု့ တို့  ရဲရင့်နေလေရဲ့ ။
အလိုလို ရောက်လာမဲ့ တစ်နေ့ ဆိုတာကို ကြိုးနဲ့ ချည်ထားနိုင်ရင်....။
ကြိုမသိခြင်းဆိုတာ ...သဘာဝတရားရဲ့ လက်ဆောင်ပါ။
အရမ်းလှတဲ့အပြုံးတစ်ခု....ရှုံ့ မဲ့သွားတဲ့အခါ
အရမ်းလှတဲ့ မင့်တစ်ယောက် အလိုလို အကျည်းတန်ချိန်။
ဝင်းဝါနေတယ်လို့ ငါ အမြဲတွေးခဲ့တဲ့ မင့်မျက်နှာ အဆီပြန်တဲ့ အချိန်။
လေးစားမှု့ နဲ့ တုန်ရီမှု့  ငါတစ်ကိုယ်တည်း
ခြောက်ကပ်ကပ် ရယ်သွေး မိတယ်။
ရွဲ့ နေတဲ့ အတည့်တွေကို မြင်တတ်လာခဲ့။
တည့်နေတယ် ဆိုတာ တလွဲတွေ များဖြစ်နေမလား။
အဆုံးမှာ ကွန်ပျူတာများလို message box ပေးလို့ ရမလား။
Do you want to save the changes to ``your life´´?
လို့ မေးခဲ့မယ်ဆို ရင်
default မှာ No လို့ ဘဲပြောလို့ ရခဲ့ရင်။
တောင်းပန်ပါရဲ့ .....သူမောနေပြီ။
နောက်ထပ် မကျီစားပါနဲ့ ။
ကလိထိုးရင် ယားတတ်တာ သဘာဝပါ။
မင့်ကို မြင်ရင် သူကြောက်တတ်နေပါပြီ။
ယောင်ရမ်းပြီး........ထ ကမှ မင့်ပျော်မှာဆို ရင်
ကလိတော့မထိုးပါနဲ့ ....ကပြပါ့ မယ်...။
တောင်းပန်ပါရဲ့  ...မင့်ကြောင့် နှလုံးသားမှာ
သွေးထွက်သံယို မှု့တွေများခဲ့ပြီ။-



စနစ်တကျ ဖရိုဖရဲဖြစ်သွားခြင်း
------------------------------
ဟိုးတုန်းထဲကသိခဲ့ပါတယ်။
ဒါပေတဲ့အမှတ်တမဲ့ဘဲ။
ဖြစ်တည်ခြင်းနှင့် ပျက်စီးခြင်းသင်ခန်းစာတွေအတွတ်
အချိန်တွေက ဖရိုဖရဲ ၀တ်ကောင်းစားလှတွေနဲ့
ငါ့ဆီရောက်လာတယ်။
စူးစမ်းခြင်းနဲ့ရှာဖွေခြင်းဆိုတာတွေကို လုံးခြေပြီးလွှင့်ပြစ်တယ်။
ခပ်တည်တည်နဲ့ဖီးလိမ်းထားတဲ့ ငါ့စိတ်တွေက
ဘယ်ဘက်လား ညာဘက်လား။
ကိုယ့်ဘာသာကိုယ် ရှုပ်ဖွနေမိတဲ့အခါလဲရှိနေတတ်ပြန်ရော။
တိုက်ဆိုင်လာတဲ့ သီချင်းတွေမှာကျ
ခွေခွေလေးမှိန်းနေတတ်ပြီး
အဖြစ်ဟောင်းတွေကို အစဉ်လိုက်ဝါးမြုံ့နေရင်း ကျေနပ်နေသလိုဘဲ။
အရာတွေက သူ့အလိုလို ဖြစ်တည်တယ်လို့
ရံဖန်ရံခါတွေးတတ်ပေမယ့်
သူ့အလိုလိုပျက်သုန်းခြင်းအတွတ်ကျ
တစ်ပတ်လောက် ဗိုက်အောင့်နေတတ်ပြန်ရော။
လောကဆိုတာ သူ့အဖို့တော့လာကောပါလို့ ပြောပြောနေတတ်ပြီး
လ္ဘက်ရည်သောက်ရင်း ခပ်ပေါပေါစကားတွေကို တီးခတ်နေတတ်ပါရဲ့။
အနာဂါတ်ဆိုတာကိုကျ သူက ဇီဒန်းမဟုတ်သလို
ဘားသက်လည်းမဟုတ်တဲ့အတွတ်
ဘာမှ မပတ်သတ်ဘူးလို့ဆိုတတ်ပြန်တယ်။