တစ်နေ့ စာအလွဲများ

ကျွန်တော် သည်နေ့ ကံမကောင်းဘူးလို့ ပြောရမလား။ကံကောင်းတယ်လို့ ပြောရမလား မသိဘူး။လူအတော်များများနဲ့  စကားများခဲ့ရတယ်။အထူးသဖြင့် သက်ကြီးပိုင်းတွေ ပါ။ အဘွားကြီး တွေ ပေါ့ ။အဘိုးကြီးတွေကျတော့ ကျွန်တော်နဲ့ အားကြီးတည့်တာ သိလား။အားလုံးနီးပါးက အပျိုကြီး ၊လူပျို ကြီးတွေပါ။လူပျိုကြီးတွေက အားကြီးပေါင်းလို့ ကောင်းတယ်။နို့ တဲ့ အပျိုကြီးတွေ ကျ ပြောင်းပြန်။သူတို့ က ဆရာကြီးတွေ ...။ဘယ်သူ့ တွေ့ တွေ့ ဆရာလုပ်လိုက်ရမှ ကျေနပ်တာ။ပြောတာခေါင်ညိတ်။ပြန်မပြောနဲ့ ။ အဲ.....မဟုတ်ရင်တော့ တွယ်ပြီ သာ အောင့်မေ့ပေရော့။ကျွန်တော် အရင်တုန်းကတော့ သူတို့ ကျေနပ်ပါစေတော့ လို့ နေပါတယ်။
သည်နေ့ တော့ကျွန်တော်လည်း စိတ်ညစ်တာနဲ့ အကုန်လုံး ဘဲ့ ချည်ဘဲ ပြောပြစ်တာပေါ့။ဘယ်ရမလဲ ကျွန်တော်လည်း စိတ်နဲ့ ဘဲ။
တစ်ယောက်က ဘာသာရေး အင်မတန် လုပ်တဲ့ အသက်၆၀ ကျော် အပျိုကြီး တစ်ယောက်။ သူက ကျွန်တော့်ကို စပြောတယ်။ ဒီနေ့ ခေတ် ကလေးတွေ အင်မတန် ဘာသာရေးအသိနည်းတဲ့အကြောင်း၊ တရားပွဲဆို မလာချင်ဘူး။အရက်သောက်မယ်ဖဲရိုက်မယ် ဆို ရင်တော့လာခဲ့။လက်ဖက်ရည် ဆိုင်တွေဆို လည်း ကောင်လေးတွေနဲ့ ပြည့်လို့ ။ဘာတွေများ ပြောနေကြလဲ မသိဘူးတဲ့။ယောက်ျား တွေတန်မဲ့ အတင်းတွေ လည်းအားကြီးပြော နဲ့  ဘာနဲ့  ပြောတော့ ကျွန်တော့် ကို ထိလာပြီ။ကျွန်တော်က လက်ဖက်ရည်ဆိုင် အားကြီးကြိုက်တာဗျ။ကျွန်တော် ပြန်တွယ်ပါတယ်။ကျွန်တော်လက်ဖက်ရည်ဆိုင်ထိုင်တာ ကလေးတွေ နဲ့ ထိုင်တာက များကြောင်း၊သူတို့ တွေနဲ့ များသောအားဖြင့် ဘာသာရေး ဆွေးနွေးဖြစ် ကြောင်း စသည်ဖြင့် စလိုက်တာပေါ့။ အဲ့မှာ ကျွန်တော် အကွက်ဆင်ပြီးသွားပြီ။ သူကိုဆက်ပြောတယ်။ယနေ့ ကလေးတွေက အတော်လေး အားရစရာကောင်းကြောင်း။အတော်လေး စဉ်းစားတတ်ကြကြောင်း။သူတို့ ရဲ့ ဘာသာရေးလေ့လာပုံက အတော်လေး နှစ်နှစ်ကာကာရှိလှကြောင်းပေါ့ ။သူ ကျွန်တော့်ကို မျက်လုံးပြူးကြည့်ပါတယ်။ကျွန်တော့် အကွက်ဝင်ပါပြီ။ကျွန်တော်စပြီ။ကလေးတွေ က ရှေးလူကြီးများလို မိရိုးဖလာ ဘာသာရေးမဟုတ်ကြောင်း၊သူတို့ က အားလုံးကို ဆန်းစစ် လေ့လာပြီး မှ သက်ဝင်ကြကြောင်းနဲ့ သူများက ဦးချလို့ ရောယောင်ပြီး ဦးချမှာ မဟုတ်တော့ကြောင်း။အို စုံလို့ ပေါ့။အဲ့မှာ သူက ကျွန်တော့်ကို ကလေးတွေနဲ့ ဘာတွေ များပြောကြတုန်းတဲ့.....ခနဲ့ တဲ့လေသံနဲ့ ပါ။
ကျွန်တော်ကလည်း ပြန်ပြောတာပေါ့။ဘာသာရေး တွေထဲက စုံလို့ ပါ၊သူတို့ မေးတာတွေက အချို့ က မဂ်လမ်ပေါက်သွားပြီဆို ပြီးတော့``သမီးနေ၊သမီးနေ၊ အမေက အပါယ်တံခါးပိတ်ပြီးသား.....သမီးမလုပ်နဲ့ ။အဲ့ပိုးဟပ်တွေကို အမေ ဘဲ သတ်လိုက်မယ်´´
ဆိုတာကို ကျွန်တော့်ကို ဘယ်လို မြင်လဲတဲ့ လို့ ပေါ့။အဲ့မှာသူ တုန်သွားရော။သူ့ ကိုယ်သူလည်း အပယ်တံခါးပိတ်ပြီလို့  ထင်နေတာကို။
ဘာရယ် ဘယ်လို တွေဖြစ်ကုန်ရော။ကျွန်တော်ဆက်ပြောပါတယ်။ကောင်းတာလုပ်မှ ကောင်းတာရမယ် ဆို တာ ဘာလို့ အကုန်မမှန်
တာတုန်း လို့ ကလေးတစ်ယောက်က ပြောတာကို ပြောတော့ သူကပြောတယ် အရင်ဘ၀ တွေ ရဲ့ အကျိုးဆက် မကုန်သေးလို့ ပေါ့ တဲ့။အဲ့မှာ ကလေးတွေက ကျွန်တော့်ကို ပြောပြတယ်ဆိုပြီး မိစ္ဆာဒိဠိ တွေအကြောင်း ပြောတော့တာပေါ့။သူကလည်း အကြောင်းအကျိုး
ဆက်စပ်ပုံတွေ ပြောတော့တာပေါ့။ကျွန်တော်က ဆက်ပြောတယ်။အဲ့မှာ (၁၂၊၂၊၁၉၆၀)တုန်းက မိုးကုတ်ဆရာတော်ဘုရားကြီး ဟောခဲ့တဲ့ ကံသင်္ခါရတရားသည် အနိစ္စဖြစ်ပုံ တရားအကြောင်း ဆက်ပြောတာပေါ့။အကြောင်မဲ့သော အကျိုးတို့ သည် ရံဖန်ရံခါဖြစ်တတ်ပါ၏ ဆို တဲ့ ကလေးတစ်ယောက်က ပြောတာကို မှတ်မိလိုက်လို့ ပါ။သူဆက်မပြောတော့ဘဲ ငြိမ်သွားတယ်။ပြန်တော့တောင် မသိချင်ယောင်ဆောင်
နေလေရဲ့။ကျွန်တော်မမှားဘူးလို့ တော့ ထင်တာဘဲ။စိတ်တော့ မကြည်တော့ဘူးပေါ့။
နောက်တစ်ယောက် က ၇၀ လောက်အဘွားကြီး။ကျွန်တော်ကို တရားနာပါတဲ့။ကျွန်တော်မှာ တရားမရှိတဲ့အတွတ်ကြောင့် မအေးချမ်းဘူးတဲ့။ကျွန်တော့်ကို တိုက်ရိုက် ချိုးတာ သိလား။ကျွန်တော် သူ့ စကားကို ကြားတော့ပို မအေးချမ်းတော့ဘူး။ ကျွန်တော်ပြန်တွယ် ရမှာပေါ့။ ကျွန်တော့် အသက်အရွယ် က တရားနာရမယ့် အရွယ်မဟုတ်တော့ဘူးပေါ့။သိပြီးတာတွေကို ဆန်းစစ်ရမယ်၊အားထုတ်ရတော့မယ်။အချို့ လူတွေက တော့ လူမှန်းသိတဲ့ အချိန်ကစပြီးတရားနာ၊အရွယ်ရောက်တော့လည်းနာ၊ အိုသွားတဲ့အထိလည်းနာ။နာဘဲနာနိုင်လွန်းတယ်။ကြားဖူးပြီးသားတွေကိုဘဲ ထပ်တလဲလဲ အပြန်ပြန် နာပြီး တကယ်တမ်းကျ တော့ ဘာမှ မသိ၊မရသွားကြဘဲ....``ဟောရင်း ဟောရင်း ဟောသောဘုန်းကြီးသာ လျှာပြတ် ၍ ပျံလွန်တော် မူလတ္တံ ထိုသူများက စိုးစိမျှ တရား ရဟန်မပြ ´´....လို့ တွယ်လိုက်တယ်။ပြီးသူ့ ကို ကျွန်တော် မကြိုက်တဲ့ ဘုန်းကြီးပွဲတွေမှာ ပြောနေ ကျ စကားတစ်ခွန်းပြောလိုက်တယ်။ ``ချောက်ကမ်းပါးများဖြင့်အတိပြီးသော ဤ လောကကြီးဝယ် မျက်မမြင်တစ်ဦးက အခြားမျက်မမြင်များအား လမ်းပြနေသည်မှာ အဘယ်မျှ ရယ်ဖွယ်ကောင်းပါသနည်း´´လို့  ...။သူ ဆက်မပြောတော့ဘူး။နားတော့ အေးသွားတာပေါ့နော်။
အဲ့မှာတင် ပြီးလားဆိုတော့ မပြီးသေးဘူးဗျာ ။သည်နေ့ ကွင်းဆက်လိုက်ကို ဖြစ်တာ သိလား။လာပြန်ပါရော ....အန်တီကြီးတစ်ယောက်၊ကျွန်တော့်ကို ဆေးလိပ်သောက်လို့ တဲ့.....။ဥာဏ်ရှိပါတဲ့။ကျွန်တော့်ကို လူပိန်းတဲ့။ပြီးဆုံးမတာကို နားထောင်မှကြိုက်သတဲ့ဗျာ။ကျွန်တော် မြင်တာတော့ သူ လည်းဆွမ်းကြီး ၀င်လောင်းလိုက်တာဘဲ။လူရှုပ်တုန်း ခေါင်းပုတ်သွားတာဗျ။အချောင် သာဓုခေါ်တာသိလား။ကျွန်တော်တော့လေ လမ်းကြုံ လို့  ၀င်တီးသွားတာကို ဆုံးမတယ်၊ဆုံးမတယ်လို့  သုံးသုံးသွားတာလောက် မုန်းတာမရှိဘူးသိလား။လူတစ်ယောက်နဲ့ တစ်ယောက်ဘယ်လိုလုပ် အကြိုက်တူမှာ လဲနော်.... တစ်ယောက်ကိုတစ်ယောက် လက်ညိုးထိုး နေရင် အားလုံးက ပြောစရာတော့ရှိမှာဘဲ ဗျနော်။ကျွန်တော်လေ ဒေါသထွက်တာပေါ့။
ပြန်စဉ်းစားပါတယ်။ကျွန်တော် သည်နေ့ မောပါပြီ။ဟုတ်ကဲ့မှတ်ထားပါ ပေါ့။ နောက်နေ့ မှ တွေ့ တာပေါ့လို့  ပြောပြီးပြန်ခဲ့ပါတယ်။
မနက်ဖြန်ကျ ကျွန်တော့် ဘဘတွေနဲ့ သွားမှာပါ။တွေ့ ကြအုံးမှာပေါ့ ။

ပြောလိုက်ရတော့ ပေါ့သွားတယ်။ကျွန်တော် မှန်လား၊မှားလားတော့ မသိဘူးနော်။ ၁၅၊၈၊၂၀၀၇ ဗုဒ္ဓဟူးနေ့ 

(မိုးကုတ်ဆရာတော်ဘုရားကြီး ဦးဝိမလ ၏တရားခွေ မူရင်းများကို ၃၈လမ်းမှ အ၀ိဇ္ဇာမှ ၀ိဇ္ဇာသို့တွင် လည်းကောင်း၊မိုးကုတ်ဌာနချုပ်တွင်လည်ကောင်း ရနိုင်ပါသည်။)