ကျွန်တော်တို့ ရပ်ကွက်ထဲမှာပေါ့…..
ကျွန်တော် လ္ဘက်ရည် သောက်ဖော်သောက်ဖက်တွေနဲ့ စကားပြောဖြစ်ကြတယ်။ အရွယ်စုံ ဘဲ ဆိုပါတော့။ ၆၀ ကျော်
ကနေ 15 -16 နှစ် အထိပါကြတယ်လေ။ သည်လို ဘဲ ဟိုပြော ဒီပြောနဲ့ ရပ်ကွက်ထဲက ဖူးစာဖက်တွေ အကြောင်း ပြောဖြစ်ကြတယ်။ ကျွန်တော် ကပြောတယ်။ ဖူးစာဆိုတာဦးရာလူပါလို့ ။ သူတို့ ကလည်း ဇတ်လမ်းစုံအောင် ခင်းကြတော့တာပေါ့။ ဦးလေးကြီးတစ်ယောက်က ပြောတယ်….။ တစ်ခါတုန်းက တဲ့ ။ အတော်လေး ရိုးရိုးသားသား ကျောင်းဆရာတစ်ယောက် အကြောင်းပါ။ အဲ့ကျောင်းဆရာက သူ့ အိမ်ဘေးက အရွယ်တူ ကောင်မလေး ကို ကြိုက်ရော။ သူကလည်း အိမ်နီးချင်းဆိုတော့ ကောင်းမလေးအကြောင်း ကောင်းကောင်းသိ။ ကျောင်းဆရာကလည်း အတော်လေး ရိုးရိုးသားသား။ သူနဲ့  ကလည်း ခင်တယ်။ ကျောင်းဆရာ အခြေအနေ ကောင်းမှန်းလည်း အိမ်နီးချင်း သူငယ်ချင်း ကောင်းမလေး တွေက တဆင့်သိထားတော့ သူ က ကျောင်းဆရာကို ဘယ်တော့ လဲ။ ကောင်းကောင်း ကျွေးရမယ်နော် ဘာညာ စတာပေါ့။ အဲ့မှာကျောင်းဆရာက ရှက်ကို့ ရှက်ကန်းနဲ့ သူ အနေနှင့် မဖြစ်နိုင်ကြောင်း၊ အားငယ်ကြောင်း ပြောတော့တာဘဲတဲ့ ။ သူ ကလည်း အားမငယ်နဲ့ ပေါ့။ ခင်ဗျားက ရုပ်ဆိုးပေတဲ့  ကောင်းမလေးကို သူပြောပေးမယ်။ ခင်ဗျားက လူရိုးဘဲ။ ဖြစ်နိုင်ပါတယ်။ ဘာညာပြောတော့…. ကျောင်းဆရာ စိတ်တိုသွားသတဲ့။ အောင်မာ …. မင်းက ငါ့ကိုရုပ်ဆိုးတယ်။ ကောင်မလေးက ရုပ်ဆိုးလို့ မကြိုက်တောင် ရိုးဂုဏ်တော့ရှိတယ် ပြောရအောင်မင်းကတော့ ဘယ်လောက် ချောလို့တုန်း ဖြစ်ကုန်ရော။ သူတို့ စကားအခြေအတင်က အတော်လေး အရှိန်ရလာပြီး လောင်းကုန်ကြရော။ ကျောင်းဆရာက အရဘက်က ၊ သူက မရဘက်က။ နောက်နေ့  အဖြေ ကြည့်မယ်ပေါ့။ သူတို့ ဒေါသတွေ နဲ့  လမ်းခွဲလိုက် ကြရော။ သူလည်း အိမ်ပြန် ရောက်တော့ ရေမိုးချိုးပြီး …. လမ်းဘက်ထွက်။ ဘေးအိမ်က အခြားကောင်းမလေးကို ခေါ်ပြီး မေးသတဲ့။ ကျောင်းဆရာနဲ့  အဲ့ကောင်မလေးက ဘယ်တော့ ယူမှာလဲစလိုက်ရော။ ကောင်မလေး သူငယ်ချင်းကလည်း ဘယ်ကလာ…. အခုမှ ရည်းစားစကား ပြောတုန်းရှိသေးတယ် ပြန်ပြောတော့…..သူက သိဘူးလေ…ငါအခုဘဲ ကျောင်းဆရာနဲ့  လ္ဘက်ရည်ဆိုင်ထိုင်ပြီး ပြန်လာတာ… ကျောင်းဆရာက ငါ့ကိုပြောလိုက်တယ်ပေါ့…..လပြည့်ညတုန်းက ဘုရားသွားတယ်ဆိုပြီး ချိန်းတွေ့ ဆို။ သူပြောတော့ အို လျှာလိပ်….ပါးလိပ် သိပါဘူးလေ….လို့  ညဉ်းပြီး အိမ်ထဲ ပြန်ဝင်တယ်တဲ့။ နောက်နေ့ ကျ ကျောင်းဆရာလည်း ကောင်မလေး အိမ်ရှေ့က ဖြတ်ရော ပါးရှစ်စိတ်ကွဲမယ်လို့  ကောင်းမလေးအုပ်စုက ၀ိုင်းပြီး ကော်တုတ်လိုက်သတဲ့ ။ ကောင်မလေး ကောင်မလေး နဲ့  သုံးသုံးသွားလိုက်တာ …အခုတော့ အဒေါ်ကြီး ဖြစ်သွားပြီ။ လွန်ခဲ့တဲ့ ၂၅ နှစ်လောက်တုန်းကတဲ့ လေ။ကျောင်းဆရာကတော့ အိမ်ထောင်သည်ဖြစ်သွားပြီး အဒေါ်ကြီးကတော့ အပျိုကြီး ဖြစ် ကျန်နေလေရဲ့။အခုတော့ ငါးဆယ်နားကပ်ပြီပေါ့။သူ တို့  ဖူးစာတလွဲ….ပါးစပ်လေးပါလား။ ပြောတဲ့ဦးလေးကြီး လည်း စိတ်မကောင်းစွာနဲ့ ဘဲ ပြန်ပြောပြတယ်လေ။ ကျွန်တော် ဆက်ပြောဖြစ်တယ်။ ကြိုက်တာ၊ ချစ်တာ၊ အိမ်ထောင်ကျတာ။ ကြိုက်တယ်ဆိုတာ…..အရုပ်လေးတစ်ရုပ်ကို အပိုင်လိုချင်တာ။ နေရာတစ်ခုမှာ ခေတ်အလိုက် အလှထား ချင်တာ။ ချစ်တယ်ဆိုတာကျတစ်မျိုး….ဘာလို့ မှန်းမသိပါဘူး။ သူဖို့ ကျတော့ အလိုလို အလျှော့ပေးနေမိတာ။ ခံစားချက်တို့  ခံယူချက်တို့ ဆိုတာကို သူက ကိုက်စားပြစ်တယ်။ သူ့ ကို ပြုံးပြုံးလေး ကြည့်နေမိရဲ့။ အဲ့ဒါချစ်တာ…။ အိမ်ထောင်ကျ တာ…..အဲ့ဒါက ခလုတ်တိုက်တာ။ ငါတော့ ဘယ်ခဲနဲ့ ခလုတ်တိုက်မယ်…ကြိုပြီး တွေးထားလို့ မှ မရတာနော်….သူဟာသူ ဖြစ်တာ… ကျွန်တော် ထင်တာဘဲလေ…။ အဲ့ဒါနဲ့ အစောက ဦးလေးကြီးကဘဲ….သူ့  အိမ်ဘေး က လူပျိုကြီး ကြင်ယာရ ပုံကို အကျယ်တ၀င့် ပြောပြန်ရော…။ လူပျိုကြီးက လေးဆယ်နားကပ်။ တစ်ယောက်တည်း နေရင်း … နေရင်း … လောကကြီး အကြောင်း စူးစမ်းသလို၊ အဂ္ဂရိတ် ထွက်ရာပေါက်ဘဲ လိုက်တော့မှာလို လို … ဘာသာရေးထဲဘဲ ၀င်တော့မှာလို လို ။ တရားစခန်းတွေဝင်ရင်း….၀င်ရင်း….ဓမ္မ မိတ်ဆွေတစ်ယောက်ရလာသတဲ့ ။ တရားကြောင်း ဆွေးနွေးလို့ ကလည်း ကောင်းတော့ ပြောကြရင်း ပြောကြရင်း..ထိတာကိုသိတာ…. အဲ့ သိတဲ့စိတ်လေးက လည်း ပျက်သွားတယ်နော်။ ကဲ ညီမရယ်…. ထိတယ်ဆိုတော့… ထိမယ်နော်….။ သြော် ထိပါ…ထိပါ…။ လူပျိုကြီး ထိကြည့်သည်။ ထိတာကို သိတယ်… အဲ့မှာ ဘာဖြစ်လဲ ကျွန်တော်တို့ တော့မသိပါ။ သူတို့  လူပျိုကြီး၊ အပျိုကြီး ညားကြလေသတည်းတဲ့။ ဦးလေးကြီးက နာမည်ပေးတယ်။ ၀ိပဿနာ ဖူးစာတဲ့။ အရပ်ထဲမှ ဘုရားဖူးရင်း လိပ်ဥတူးရင်း ဆိုသောလူငယ်များစွာ လည်း ဘာသာရေး နဖူးစည်းထိုးပြီး ကြင်ယာရှာဖွေရေးမှ လွတ်မြောက်နိုင်ပါစေ။ကျွန်တော် တော့ အခုထိ မလုပ်မိသေးပါ...။ တကယ်မို့ ယုံပေးပါ။
No comments:
Post a Comment